Plantun de Prouvènço

Pèr coumpara dos planto d'encò nostre

Vicia angustifolia & Rosa dumalis

Vicia angustifolia

Fabaceae Leguminosae

Nom en français : Vesce à feuilles étroites.

Descripcioun :
Aquesto vesso, proche de Vicia sativa, trachis dins li relarg séusous de Prouvènço. Se destrìo de la vesso cultivado que li fueioun soun proun estré, subretout aquéli d'en aut de la planto. La flour èi bèn acoulourido peréu.

Usanço :
La flour èi manjadisso, mai coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Grando erbo
Taio : 10 à 80 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 10 à 25 mm
Flourido : Printèms - Estiéu

Sòu : Si
Autour basso e auto : 0 à 1200 m
Aparado : Noun
Mai à juliet

Liò : Champino - Terraire safrous
Estànci : Termoumediterran à Coulinen
Couroulougi : Estenoumediterrano
Ref. sc. : Vicia angustifolia L., 1759

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.